Meri Beti Mera Abhiman

/ Priyankaspen

Har dayre ke bahar mera tujhse nata hai..

tere bina mere man ko sukun kaha ata hai..

tu satati bhi hai…thakati bhi hai..

phir pyar se Maa kehkar hasati bhi hai..

teri masoom aakho me mera jeevan samaya hai..

teri mithi boli me meri shabdo ki maya hai..

tera moh dil se chuth nahi sakta..

ye aisa nata hai jo aakhri saans tak tut nahi sakta..

beti hoti hi kuch khaas hai..

ye to bas use janam dene ka ek anmol ehsas hai..

jo maa ke liye dil ke sabse paas hai.. meri beti mera har ek vo aas hai..

meri khushiyo ka khazana hai,ankaha anjana sa fasana hai..

mast malang apni dhun me rehti hai,sunti kam hai bohat zyada kehti hai..

is nanhi si gudiya se hi mere ghar ki shaan hai..

Meri beti Mera Abhiman hai!

 

Much love

Priyanka

#VirtualSiyahi

13 thoughts on “Meri Beti Mera Abhiman”

Your comments make my day 💜

This site uses Akismet to reduce spam. Learn how your comment data is processed.